Thursday, March 28, 2019

SOVETI I TRIKOVI OD UREDNICITE: KAKO DA SE OBLECETE AKO STE POSETITEL NA MODNA NEDELA


Секој сака да остави добар впечаток со облекувањето, но не е лесно да се состави совршената комбинација за да се постигне тоа. Ова посебно важи за комбинации кои треба да ги носите за одредени пригоди како претстојното издание на Модниот викенд Скопје. Се навикнавме секоја година меѓу присутните да гледаме сѐ повеќе неинвентивни комбинации и лошо ускладени парчиња на облека. Причината поради која што го пишувам овој пост во соработка со домашните модни уреднички и новинарки е да дадеме совет за тоа како би требало да изгледа еден соодветно облечен посетител на модна недела.


Емилија Вучиновска, блогер и новинар

Во една прилика напишав дека постои тенка линија меѓу соодветно и модерно и несоодветно облекување, па затоа би почнала со првото правило по кое се водам секојпат кога составувам одредена комбинација: излези од својата комфортна зона. Поставете си предизвик да носите нешто што никогаш не би го облекле за на работа или за на кафе со пријателките. Пуштете ја вашата имагинација да работи и не плашете се да пробате различни комбинации. Дури и оние кои на прв поглед ви се чинат невозможни.  



Внимавајте само да останете верни на својот стил, бидејќи сѐ што е со премногу напор, се приметува и изгледа вештачко. И не заборавајте, носете облека која одговара на вашата градба на телото и во согласност со вашите години. Избегнувајте мини, тесно, кроп маички, премногу натрупани комбинации, многу парчиња што отскокнуваат измешани во една комбинција. Размислувајте повеќе на едно уникатно парче кое ќе ја предводи комбинацијата и додатоци кои имаат приказна за себе.



Катерина Трајановска, уредник на Stylist 

Модерна елеганција со суптилно вметнување на актуелни трендови и иновативна употреба на впечатливи модни детали е добитна стилска комбинација скоро секогаш, но за присуство на модна ревија се бара одреден моден исчекор и смело додавање на непредвидливи елементи. За скопскиот сезнзибилитет и за посета на Моден викенд одговара уникатен спој на впечатливост и умереност кој произлегува од личниот стил, а е прилагоден на карактерот на настанот и на стиловите на дизајнерите чии ревии се посетуваат. 


Лично јас ја сакам играта со пропорции и со текстури, експериментирањето со со бои и шари, но често сум расположена за минимализам/максимализам микс на мој начин – базични парчиња комбинирани со впечатливи детали. Опција се панталони со висока половина и блузи со необичен крој, женствен фустан со рокерска кожна јакна, шизичко плисирано здолниште и уште пошизичка маица, предимензионирани палта и тренди мантили, светкави чевли и обувки со структурални потпетици, специфични накит и мали чанти. 


Преферирам мешање на некомпактибилни елементи со цел да се добие оригинален изглед, но во спонтан и ноншалантен манир, во спротивно се чувствува кога „чудното“ не поизлегува од авентичноста. Моќта е во деталите, но оставам само еден детаљ да е впечатлив. Оваа сезона на Моден викенд програмата се темели на шоурум претставувања, изложби, неколку ревии на дизајнери од различен карактер, во нов простор кој е најавен како поавангаден, и сево ова ќе го детерминира конечниот избор на стајлинг.


Ако смеам да советувам, предлагам автентичност и сензибилност над сензационализам. Изберете нешто непредвидливо, но не премногу нападно, специофично, но не свадбарско. Нека биде тоа моден спој кој се темели на светската мода, а не на регионалната естрада, да има малку од париска ноншалантност, доза на британска екцентричност, инспирација позајмена од сканднавските стилски ѕвезди, но креариран во скопски дух. Останете свои и заборавете го амбициозното редење на сите ваши омилени модни париња во една комбинација со цел да бидете што повеќе забележани. Изградениот личен стил се „чита“ на прв поглед. Во крајна линија, да, не постојат универзални правила -  сè е манифестација на сопствениот стил!


Снежана- Сани Богдановска, моден новинар

ПРВОТОТО и основно правило кое е основа на добриот стил генерално е да се почитува сопствената фигура. Без оптимално познавање на сопствените условености сето останато губи смисла, најмногу модниот експеримент. А тоа е многу  едноставно да се запази-да се замаскираат недостатоците и потенцираат убавите места. 
Пред сè модна ревија е Вашата шанса да се издвоите и да го покажете вашиот личен стил. Единствено место каде може да се покаже сета модна храброст, инвентивност и слободноумност. Можност за експериментирање и визионерски идеи. Но тоа треба да е производ на индивидуална мисла и многу добро естетско чувство а не обид да се ископира некаков туѓ храбар обид што е веднаш читливо и покажува модна инфантилност.


Највисок степен на прикладност како гостин кој го треба да го испочитува домаќинот, пред сè е да се поведе кон тематиката на модниот настан. Во најлош случај е дрско да се појавите во сосем спротивен стил од стилот во кој што твори дизајнерот. Најпожелно е да се носи нешто од арсеналот на дизајнерот или во таква неможност нешто што одговара на тој дизајнерски израз. Ако не постои такава можност тогаш неутралното во сопствен стил е најприфатлива варијанта.


Неколку пластични упатства:

На модна ревија НИКОГАШ не се носи вечерен свечен фустан, дури ни кога дизајнерот прикажува таков тип на дизајни (патем ниту на спектакуларните ревии на висока мода никој не се појавува така).

На моден настан не се носи голема чанта.

На моден настан не се доаѓа како за на работа, за во парк или за во кафуле, но исто така не и како за на свадба или матура.


Марија Крстова, уредник на Fashionel 

Секогаш кога е Моден викенд Скопје во прашање, убаво е доколку имате можност да ги испочитувате домашните дизајнери и за оваа прилика да одберете парче од македонски дизајнер.На покана на Емилија за нејзиниот моден блог „Urban vibe by Miss E“, комбинирав предлог стајлинг за претстојнот Моден викенд, што вклучува спој на романтична и урбана естетика.Одбрав женствен фустан на прерамки во нежно розова боја од македонскиот моден бренд Елена Лука и го споив со безвременската џинс јакна. 


Деталите секогаш имаат клучно влијание во потенцирањето на индивидуалноста, а истовремено и во комплетирањето на целосниот изглед, па затоа одучив во овој аутфит, половината да биде нагласена со тенко црно ременче. Изгледот е финиширан со елегантни црни сандали со ременче околу глуждот.


Look at Vibe to look Your best
Love,
E

Tuesday, March 26, 2019

GET READY FOR SPRING PULSATION


После долгата зима, кога доаѓаат првите сончеви денови сите се будиме како природата. Окулу нас се се обновува, а нас не тера да излеземе од долгиот зимски сон, да станеме активни и да почнеме нови работи. Занесени од убавото време и прогноза, забораваме дека ни треба период на навикнување од ладни на потопли денови, па полни со елан се трудиме да ги завршиме сите обврски. Но, пролетната мрза не заобиколува никого. И во целиот овој преоден период, кој мораме да го пребродиме, треба да останеме позитивни и да се трудиме да си ја подобриме концентрацијата, во спротивно ќе се препуштиме на мрзата и нема потполно да уживаме во убавото време кое надоаѓа. На оваа тема, ви подготвивме неколку совети за тоа како побрзо да транзитирате во пролетта. 


Детоксикација на организмот

За да го спречите уморот најважно е да го исчистите телото и умот од сите токсични работи кои ви влијаат на расположението. Најважно е да ја прилагодите вашата исхрана на годишното време. Тешките, еднолични зимски оброци да ги замените со јадења и храна полна со диетски влакна, протеини и витамини. Вклучете сезонско овошје и зеленчук и пијте многу вода. Трудете се во вашите оброци да има повеќе зелени намирници, за кои нутриционистите велат дека му прават природна детоксикација на организмот, а притоа ја одржуваат еластичноста на кожата, а телото свежо. 

Кога сме веќе кај пролетно чистење, може треба да размислите и за прочистување на вашата контакт листа од сите контакти кои ви ја одземаат позитивната енергија. Рековме, време е за нови промени, нели?!



Рекреација наместо нови апликации

Конечно е време да ја реализираме реченицата: почнувам од понеделник. Не понеделник, туку тука и сега. Веднаш! Пролетта е идеално време за рекреација, за вежбање, за возење на велосипед, за пешачење, на планина, во природа. Секаде каде што можете. Без да ги загреете задниците, знаете дека нема резултати. Овој е периодот кој е измислен за да го зајакнете телото и имунитетот. 

Наместо на работа да одите со автомобил или автобус, одете пеш или со велосипед. За викендите уживајте на море, река, планина, во чистиот воздух и во природата. Додека го правите ова заборавете на телефоните и играњето со милион апликации. Sверете се во небото, наместо во последните сториња на инстаграм.



Нова козметичка рутина

Промената на биоритамот носи промена на вашата кожа. Затоа, многу внимателно одберете ги вашите пролетни козметички производи за нега на кожата на лицето и на телото. Размислувајте на производи кои ќе ја хидрираат и ќе ја одржат чистотата на кожата, но во исто време и размислувајте за производи со СП фактор што ќе ве штитат од првите сончеви зраци. Десет минути наутро и десет минути навечер ви се сосема доволни за да го постигнете бараниот резултат и да ја заштитите кожата за летото кое допрва следува. На овој начин, нечистотијата, остатоците од шминка и мртвите келии ќе ги снема а на кожата ќе и го вратите природниот сјај.



Dress & jacket Liu Jo
Bag Pinko
Shoes Zara

Photography: Kosta Stamatovski
Styling: MissUrbanVibe
Make up: MAC Cosmetics Skopje
Special thanks to Muzej na Sovremena Umetnost Skopje for their hospitality 

Look at Vibe to look Your best
Love,
E

Monday, March 18, 2019

NEW BEAUTY MISSION


Оние кои редовно го читаат мојот блог, знаат дека мноуг сакам да тестирам нови кометички линии и производи. Уште повеќе се радувам ако самите производи имаат некаков препишан и препорачан ритуал во нивното користење, па нивното нанесување не е досадно и монотоно.

Пред неколку месеци од моите соработници од Авон, ја добив за тестирање Mission Y, линија на оригинална јапонска козметика инспирирана од ритуалите за убавина на јапонските жени. Производите се базираат на екстракт од ферментиран квасец, состојка која го стимулира клеточниот метаболизам и на кожата и овозможува еластичност, здрав сјај и регулирање на маснотијата во текот на целиот ден.

Колекцијата се состои од четири производи: пена за чистење на лице, лосион за интензивна хидратација, концентрирано млеко и потхранувачки дневен и ноќен крем за лице. Интересно е тоа што, секој од производите со својата функција и делотворност, го надополнува следниот, бидејќи се нанесуваат според јапонскиот ритуал слој врз слој и длабински ја хидрираат кожата.


Прв чекор: Чистење

Пената навистина длабински ја чисти кожата на лицето и дава одлични резултати при нејзино користење. Има лесна, кремаста и воздушеста текстура која и со буквално една капка истурена во рацете, ефикасно ги отстранува нечистотиите на површинскиот слој на кожата. Има дискретна арома, која верувам на сите ќе им се допадне и ефект на ревитализирање и осветлување на тенот. Малку ја суши кожата при користење, но тоа се надоместува со следните неколку чекори. 


Како се користи: Се нанесува наутро и навечер (јас ја користев само наутро) и со благо масирање и втријување во дланките се нанесува на влажна кожа. Полека се масира во кожата со кружни движења, за подобрување на микроциркулација на кожата, но не се трие, бидејќи не сакате да имате спротивен ефект и да ја оштетите кожата на вашето лице. Чекорот се завршува со исплакнување со вода и отстранување на вишокот пена од лицето. 

Совет плус: Бидете внимателни каде ја нанесувате, посебно зборувам за делот околу очите, бидејќи оваа пена ради формулацијата на осветлување на тенот на лицето, може да ви предизвика иритација во пределот под и над очите. Затоа избегнувајте да ја нанесувате во овој дел доколку одлучите да ја користите колекцијата.

Втор чекор: Хидратирање

Лосионот лесно се апсорбира во кожата обезбедувајќи и хидратација, мекост и еластичност. Текстурата му е како на вода и нема арома. Лосионот е бестселер на колекцијата токму поради неговата делотворност. Лично повеќе ми се допаѓа млекото, меѓутоа она што најмногу ми се допаѓа кај лосионот е начинот на кој се употребува.


Како се користи: Се нанесува наутро и навечер по неколку капки кои нежно, без многу притисок се тапкаат во кожата на лицето и вратот. Единствена мана кај овој поризвод е тоа што нема пумпичка за распрскување што би го направила полесен за користење. Во ова пакување, ви треба малку повеќе внимание додека го отсипувате на дланките.

Трет чекор: Ревитализирање

Млекото ми е омилениот прозивод од Mission Y колекцијата. Не можам да му најдам никаква замерка. Текстурата му е течна, не е многу густа и лесно навлегува длабоко во кожата и се апсорбира. Има убава арома која додека го користев не открив од каде ми е позната и на што ме потсеќа. Одлично ја хидрира кожата, ја задржува нејзината еластичност и го подобрува тенот.


Како се користи: Наутро и навечер, по нанесување на лосионот. Неколку капки од млекото нежно се масираат на лицето и на вратот со кружни движења.

Совет плус: Млекото може да го користите и самостојно. Претходно измијте го лицето со топла вода, па потоа на полумокра кожа ставете од млекото и масирајте. И на овој начин има одлична делотоврност на кожата.

Четврт чекор: Потхранување

Кремата ми е втор омилен производ од колекцијата. Како и млекото, има убава млечна и ненаметлива арома. Има богата кремаста текстура чијашто идеја е да ја заштити кожата од надворешни влијанија. Брзо се апсорбира во кожата и на лицето остава невидлив слој кој ја заштитува. Таа е наменета да ги заджи активните состојки на нејзината формула за поцврста и поеластична кожа на лицето.


Како се користи: Наутро и навечер, како последен од четирите чекори на колекцијата. Се нанесува на лицето и на вратот и нежно се тапка на кожата. 

Совет плус: Пробајте да нанесете мала количина од кремата на прстите, малку загрејте ја меѓу нив и со кружни движења масирајте како би ја подобриле микроциркулацијата на кожата на лицето и на вратот. 


Колекцијата Mission Y е наменета за жени над 30 години кои почнуваат да се доочуваат со првите знаци на стареење на кожата. Целата комбинација на производи е наменета да го подобри процесот на природно подмладување на површината на кожата и да ја зајакне нејзината природна бариера. Ферментираниот квасец пак, богат е со витамини, аминокиселини, минерали и органиски киселини, па оттука и делотворноста кон подобрување на еластичноста и ревитализирање на тенот. Ја препорачувам на сите жени и девојки кои навистина сакаат да вложуваат во зачувување на нивната кожа за во иднина, кои не размислуваат за моментални ефекти, туку ќе ги ползуваат бенефитите од квалитетна козметика во подоцнежни години. И за крај, би сакала само да посочам дека производите ги користев скоро три месеци, бидејќи навистина само неколку капки од секој, се доволни за да дејствуваат и да ја постигнете целта.

Овој пост е во соработка со АВОН Македонија, но текстот и мислењето се комплетно мои, донесени од искуство при користење на производите. 

Look at Vibe to look Your best
Love,
E

Wednesday, March 13, 2019

BLACK CO-ORDS


Секој пат кога не знаете што да облечете, слободно може да се потпрете на црни парчиња на облека. Со нив никогаш нема да згрешите. Црните парчиња се сериозни, елегантни, спортски, секси, зависно од тоа како ќе ги искомбинирате и со какви детали ќе ги дополните. И рака на срце, црната никогаш не излегува од мода. 

Црните панталони се вечна класика и секогаш ми ја спасувале секоја ситуација кога не сум имала инспирација што да облечам, без разлика на пригодата. Без разлика дали се лелеави, широки, со спортска кројка, од тексас или кожни, широки или тесни, црните панталони се полн погодок. Да не спомнувам и дека црни панталони одговараат буквално со се- кошула, дуксер, џемпер, топ, тексас јакна, капут, парка, патики, штикли, чизми.


Црната блуза и црниот дуксер се парчиња кои во себе носат едноставност, но во истовреме ненадмината класична елеганција и исто така може да се комбинираат со се.

За да не играте на сигурна карта и да се чувствувате како да носите досадна црна комбинација, следете едно интересно, непишано правило. Тајната на секоја добра црна комбинација е да во неа искомбинирате барем еден елемент на изненадување. Без разлика дали тоа ќе бидат чевлите или додатоците и накитот, едно од парчињата треба да отскокнува од целата комбинација. Во мојот случај тоа беа чевлите во златна боја и шамијата со мошне интересен и шаренолик дезен. Но, не застанав тука. Решив да ги поместам границите едно ниво погоре, па ставив предимензионирани обетки во златна боја и чанта со бели шари.

Сепак, внимавајте при комбинирањето. Многу лесно може да ви излезар работите од контрола па да изгледате кич наместо шик.








Today I'm wearing:

Scotch&Soda pants and blouse
Parfois earrings and scarf
Desigual bag all thanks to Fashion & Friends
Marwell by Caci Pakovska shoes

Photography: Kosta Stamatovski
Styling: MissUrbanVibe
Make up: Katerina Mircheska for MAC Cosmetics Skopje
Hair: Studio Pretty Woman

Look at Vibe to look Your best
Love,
E

Monday, March 11, 2019

STYLE GUIDE: WHAT TO WEAR NOW: TRANSITIONAL PIECES EDIT



Март е дефинитивно најнепредвидливиот месец во годината, кога временските разлики во температурата варираат во текот на денот и ноќта. Наутро е ладно, претпладне и попладне е топло, а навечер е повторно ладно. Затоа март е најубавото годишно време кога можеме да се облекуваме и да практикуваме слоевито облекување.

Размислувајте за транзициски парчиња како лесни џемпери, здолништа, лелеави фустани, мантили и панталони од лесни материјали. Инјектирајте малку боја во комбинацијата, без разлика дали ќе носите монохроматска комбинација или некое парче со интересен дезен, бидејќи сепак, се работи за месец кој е предвесник на пролетта.

Кога се двоумите, облечете фустан. За мене, фустанот е парче кое може да се носи во сите пригоди, без разлика дали е ден или ноќ, дали ќе го носам на работа или на некаков официјален настан. Ако сакам да се издвојам од толпата, секогаш бирам фустан со необична силуета и со дезен во јаки бои, токму како овој кој го носам во денешниот пост. Геометрискиот принт, боите и материјалот асоцираат на пролет и на безгрижни сончеви денови, додека мантилот на комбинацијата и дава шик и малку посериозна нишка.



Комбинацијата ја правев за на работа, па затоа високите потпетици ми без првиот избор за со неа. Меѓутоа, овие парчиња одлично одат и во комбинација со патики или со ултрамодерните, за оваа сезона, чевли со ниска потпетица и отворена пета. Доколку сте зиморливи, под фустанот можете да облечете топ во црна боја и на тој начин да и дадете дополнителна шик нишка.

Овој фустан би го носела и како посетител на модна недела, каде наместо мантилот би го искомбинирала со палто со цветен дезен или монохроматски пруги. На нозете би носела бели кратки чизми или хулахопки во јака боја и патики на платформа.






Today I'm wearing:

Marella dress (here) & trench coat (here)
Bata shoes (old)
Parfois earrings (old)

Photography: Kosta Stamatovski
Styling: MissUrbanVibe
Make up: Emine Mihtar for MAC Cosmetics Skopje
Hair: Studio Pretty woman

Look at Vibe to look Your best
Love,
E

Wednesday, March 6, 2019

TREND FOCUS: PINK ON PINK



Розевата е дефинитивно боја на сезоната. Владеејќи ја пистата на скоро сите модни дизајнери во нивните пролетни колекции, розевата е тренд кој се карактеризира со едноставност и голем оптимистички приказ. Со сите нејзини подтонови, розевата првенствено е женствена кога ја носите со полежерни парчиња, но и многу секси и моќна која ја носите со високи потпетици. Поентата ми е дека оваа слатка нијанса, во која било форма, не е само за романтичарки туку и за шизиките со рокерско срце. 

Искомбинирана од глава до пети? Секако дека да. Розевите подтонови одлично се надополнуваат меѓу себе, а оваа сезона поради модерните и асиметрични кројки од понудата на хај-стрит брендовите, нема потреба од страв дека ќе изгледате како средношколки.   





Најдобриот начин да го постигнете овој од глава до пети изглед во една боја е да искомбинирате парчиња направени од различни видови на материјали и во различни нијанси на розева. Во мојот случај, комбинацијата е составена од фустан со асиметричен крој, во топли розеви тонови, и дуксер со лого, кој е исто така еден од најголемите трендови на оваа пролетна сезона, во ладна, пастелна розева боја. 


Додатоците во комбинацијата се приказна за себе. Отсекогаш сум ја сакала комбинацијата на црна со тегет, жолта со лила и црвена со розева. Затоа и во оваа комбинација се решив за црвени додатоци во форма на обетки и чанта-колан. 

Во донос на чевлите, можеби најсигурна варијанта ќе беа во земјени тонови, но јас одлучив тие да доминираат во комбото, па се во црна боја.




Оваа комбинација одлично функционира и како дневна но и како  вечерна варијанта со само неколку мали трикови. Наместо чевли со висока потпетица облечете патики, црвените волуменозни обетки заменете ги со полежерни и имате комбинација за на кафе и претпладневна прошетка со пријателките. 

За вечерен изглед, облечете високи потпетици или чизми во кафена боја, и додадете сако-палто над дуксерот и спремни сте за на вечера со момчето.



Today I'm wearing:

Mango dress 43030772-LM (here)
Calvin Klein sweatshirt 
Parfois bag 163374-RDM (here)
Mango earrings 43050790-LM (here) all this thanks to Fashion Group Macedonia

Marwell by Caci Pakovska shoes (here)

Photography: Kosta Stamatovski
Styling: MissUrbanVibe
Make up: Katerina Mircheska for MAC Cosmetics Skopje

Look at Vibe to look Your best
Love,
E