Monday, March 28, 2022

ПРОЛЕТНИ ТРЕНДОВИ: ЦВЕТЕН МИДИ ФУСТАН И ШИК МАНТИЛ

 

Длабоко навлеговме во првите денови кога можеме да ги соблечеме сите купишта слоеви на облека и конечно да се фокусираме на пролетната гардероба. Зимските капути и јакни да ги замениме со мантил и да и се израдуваме на пролетта. Расположението ни е на ниво, деновите се посончеви и надвор можеме да го прибереме секој зрак за неопходната доза на серотонин.  

А нема поубав предвесник на пролетта од миди фустан со цветен принт и мантил, комбо со кое ги прославуваме топлите денови кои ни следат. 



Интересно е тоа што секоја девојка поседува некој цветен фустан, кој не нужно мора да е од порлетната сезона. Цветниот принт се задржува во колекциите и преку текот на целата година и во поладната сезона. Но, како доаѓаат потопли денови, нашите модни размисли гравитираат околу овие парчиња на облека. А и навистина нема поубаво чувство од тоа да на себе носите едно единствено парче, кое ќе биде во фокусот, и да го искомбинирате со шик додатоци и палто, а сепак да не сте наоблечени. 

А чувството на транзиција од чизми во чевли или удобни патики е навистина бесценето. 



Да се вратиме на фустанот. Секојпат кога помислувам на цветен фустан, инспирацијата ја црпам од шкафот на Французинките, на кои ова им е задолжително парче а секоја транзиција во нова сезона. На есен ги носат со чизми до глужд, а на пролет со мокасини, еспадрили или ако сакаат поголема доза на женственост со високи потпетици. Од поново време еве и со патики. Должината е миди и одговара за секоја пригода, без разлика дали ќе се подготвите за на работа или за на кафе со пријателките. Не за џабе за Французинките, ова парче облека е најсестрано за комбинирање. 

Кројката пак ја следи или линијата на телото или има А-линија во долниот дел. Половината е нагласена, а во долниот дел ноншалантно лелеава. 




Во многу наврати сум напишала дека мантилот е најшик парче кое може да го имате во вашиот шкаф. Едно од ретките парчиња кое во женската мода е превземено од машката, бидејќи некогаш било дел од војничката униформа, а од година в година не се симнува од листата на трендови. Ако се прашувате во кое парче да инвестирате најмногу, тогаш без размислување секој моден сладокусец ќе ви каже: мантил. 



Без разлика дали ќе се одлучите за класичен крој во беж, кафена или окер боја, или ќе одберете мантил со впечатлив крој во жолта, црвена или минт зелена боја, на секоја комбинација ќе и дадете посебна нота. Оваа сезона во мода е индивидуалноста, па затоа каков крој и да одберете нема да згрешите. Настрана од тоа, мантилот е многу благодарно парче за комбинирање. Оди буквално со се’ и згора на тоа му прилега на секое тело.




Фустан Mango (тука)
Мантил Mango (тука)
Колан Mango (тука)
Чанта Parfois (тука)
Обетки Parfois (тука)
Очила за сонце Parfois (тука)

Овој пост е во соработка со Fashion Group Makedonija. 

Look at vibe, to look your best
Love,
E

Sunday, March 20, 2022

ОВАА ПРОЛЕТ НОСИМЕ МОНОХРОМАТСКИ КОМБИНАЦИИ


Синоним за пролет ми се секогаш светли и комбинации во различна боја. Цветни мотиви и многу шаренило. Но сепак, монохроматските комбинации отсекогаш ми давале поисполиран, шик и ептен кул изглед. Ваквите комбинации на облека не би ги нарекла, ниту би ги вцврстила во трендовски, бидејќи тие се вонвременски, и се се, само не обични. Ова посебно важи за црно-бели монохроматски парчиња. Пристапот кон црно-белите парчиња е многу графички, но во истовреме разигран, смел и никој нема да остане рамнодушен доколку правилно ги искомбинирате. Згора на тоа, може да направат да изгледате повисоки и потенки додека ги носите. 

Постојат неколку „правила“ кои треба да ги следите за да привлечете внимание со монохроматска комбинација. 



Помалку е повеќе. 


Главна девиза која треба да ве води кога ја правите комбинацијата. Доколку одберете едно монохроматско парче, задржете се на него и тоа ќе ви биде парчето кое што осткокнува. Овој фустан од Манго, кој го носам на фотографиите, ја следи силуетата на телото, а во долниот дел има А-кројка. Многу е женствен, ја истакнува мојата половина, има колан во црна боја и шлиц на предниот дел, кој му додава доза на сексапил. Бидејќи фустанот е како скроен по мерка, нема потреба да додавам други парчиња на облека, под или врз него, за да ја истакнам мојата силуета. Затоа кога одбирате монохроматски парчиња, одберете покласични и вонвременски кројки кои ви стојат како скроени по мерка.  




Доколу сакате малку да го разиграте фустанот, ставете друг колан, или тенок џемпер во црна боја под него, доколку го носите на работа, за да не ви бидат голи рацете. 

Ако сакате да го носите на некој настан додадете минималистички накит и чевли со отворени прсти на висока потпетица. Но во овој случај хулахопките задолжително да се црни. 



Додатоците ја красат класичната комбинација


Црно-белите парчиња се стилски со внесување на минимален труд. Но, за да додадете поавантуристички и поексклузивен изглед, додадете една, втора боја кај додатоците. Без разлика дали тоа ќе бидат чевли, чанта или накит, одлучете се само за едно парче. Во мојот случај, тоа беше црвената алка, која го прати дизајнот и златниот подтон на ланчето кое го носа.  

Но, нема да погрешите и доколку се одлучите сите да се во црна или бела боја и да задржите минималистички изглед. 




Не заборавајте на шик мантил 


Мантилот заслужено си го доби статусот на култно парче. За мене, тој е тајното оружје за гламурозен изглед и парче кое знае да ја оплемени и најдосадната комбинација. Без разлика дали ќе го употребите самостојно, врз фустан или ќе додадете уште некој слој на облека под него, мантилот е најшик парче во кое може да инвестирате во било која сезона. Овој кој го носам на фотографиите, ме потсетува на најубавите street style парчиња од Париз, Рим и Лондон. 

Има големи ревери, кројка во глок во долниот дел, што му дава побогат изглед и шлиц во задниот долен дел, кој е покриен со копчиња. Бојата му е крем, исто како додатоците кои ги носам, и одлично ја надополнува монохроматската комбинација.  




Сите парчиња се достапни на онлајн продавницата на Fashion Group.
Фустан Mango тука
Мантил Mango тука
Чанта Parfois тука
Додатоци Parfois тука и тука

Look at vibe, to look your best
Love,
E