Tuesday, April 21, 2020

КАКО ДА КОМБИНИРАТЕ ЕДНО ПАЛТО НА 7 РАЗЛИЧНИ НАЧИНИ by TheGjurovska


Heeey Hey, најпрвин пред било што друго морав да ја напоменам тремата која ја почувствував што седнувам да напишам блог пост, макар бил гостински. Пасијата кон блогирањето која започна уште пред речиси 6 години сеуште ја има во мене но, блогот не постои а и да бидам искрена е ставена на страна, shame on me.
Во време кога сите седиме дома за едно подобро утре, би рекла дека најдобар издувен вентил е она што вас најмногу ве исполнува. Во денешно време кога сме преплавени со информации: Што би требале да направиме за да го исполниме времето, како да го организираме денот, како да се чувствуваме, што да објавиме, што е тренд на социјалните медиуми па го следиме истиот без разлика дали тој е близок до нашата еститика итн...Јас би рекла дека за промена треба да се слушаме себе си.


И што мислам кога велам да се слушаме себе си? Тргнувајќи од самата себе  кога ќе се изгубам во она Што би требало го губам компасот, креативноста, желбата за нешто ново...
Нема да ви кажам направете го ова, ќе речам правете го она што ве исполнува без исклучок.


Е сега, кога си кажав што имам во неколку реченици можам и да споделам со вас неколку работи во врска со комбинациите кои ги гледате на фотографиите.
Како што можете да забележите станува збор за исто палто и 7 различни изгледи, за секој ден од неделата за до дневна. 😊


Шегата на страна, сметам дека секогаш секој аутфит треба да го започнете со едно парче и да направите повеќе комбинации со истото. Јас би рекла дека денес слободата на комбинирање стилови е толку голема што на вас останува само да имате добра имагинација. Палто и фармерки, зборувајте ми за safe варијанта. Никогаш не можете да направите грешка! Искобинирајте ги со кошула или маица, and voila. Имате изглед кој е прикладен за повеќе пригоди.


Би рекла дека секоја девојка треба да има matching палто и панталони, комбинациите би немале крај, со патики или високи потпетици, балетанки или сандали, буквално со се може да изгледа кул и шик!
Исто не заборавајте да прочепкате во гардероберот на вашата баба или мајка, таму се кријат најтрендовските парчиња за сезонава, trust me!


Не би должела повеќе само се надевам дека ви дадов идеја плус за следниот ваш аутфит во кој ќе си згазите” кога ќе се вратат работите во нормала. До тогаш, направете ги најдобрите комбинации ever, продефилирајте до кујна, ставете си чаша вино и останете безбедни.


За себе, за вашите најблиски, за сите нас.
Much love,
TheGjurovska

Thursday, March 26, 2020

НАЈДОБРИТЕ BEAUTY ПОДКАСТИ


Неодамна прочитав интересна објава на buro247 за неколку подкасти во кои се обработуваат теми за козметика, нега на кожата, лицето, трикови за шминкање и нутриционистички совети за поздрав живот па решив да ги споделам со вас. Не ги преслушав сите понудени во текстот на порталот, но од оние кои ги проверив, издвоив неколку кои ми се чинеа најинтересни за слушање и од чијашто содржина може да научите нови и интересни работи. 
1. The Emma Guns show

Во нејзините подкасти може да слушнете стручни гости од светот на козметиката кои зборуваат за бизнисот, управувањето со менталното здравје, грижа за физичкото здравје, најефикасно управување со времето и ниту една тема нема ограничување во смисла на прашање и одговор од страна на гостите. Без разлика дали сте љубопитни за теми како медитација, претприемништво, ментално здравје или најновиот тренд во козметичката индустрија, ова е подкаст за вас. 
Домаќин е Ема Гунавардана, поранешна уредничка и писателка, чиешто шоу има за цел да ги информира, инспирира и забавува слушателите. На линкот во прилог има повеќе од 300 епизоди, во кои верувам секој од вас може да си ја пронајде темата која го интересира. 

Линк до подкаст: https://play.acast.com/s/emmagunavardhana
2. Fat Mascara

Домаќините на ова шоу, како што самите ќе напишат, другарките Џен и Џес, ви го претставуваат големиот и со сочни информации свет на убавината во своите неделни подкасти. Преку ден, и двете уреднички за убавина, кои имаат можност од прва рака да ги дознаат најновите вести во козметичката индустрија и да ги споделат во своите епизоди. 

Секој нов подкаст е убаво спакуван, со стручно мислење за шминка, козметика, пластична хирургија и многу други теми за сите козметички зависнички. Во секоја епизода имаат гости од холивудскиот џет-сет на дерамотлози, пластични хирурзи, мејкап артисти, парфимеристи, но не ги забораваат и локалните маалски бизниси. Забавен и хумористичен, Fat Mascara е подкаст каде што сите вљубеници во убавиот и негуван изглед може да ја  задоволат својата фиксација. 

Линк до подкаст: https://play.acast.com/s/fatmascara
3. The Beauty brains

Зад овој подкаст стојат две жени хемичарки кои се бават со козметика и за него многумина велат дека е како да сте добиле стручно мислење на speed dial. Тие одговараат на сите прашања кои не мачат поврзани со козметичката индустрија, како да одредите дали некој производ е добар за вас или не, што значат одредени состојки во производ, како делуваат, совети за како да користите некој производ и буквално ова е место за сите beauty nerds. 

Линк до подкаст: https://play.acast.com/s/thebeautybrains

Се надевам дека ќе уживате во слушањето на емисиите и слободно споделете ако и вие слушате некој интересен подкаст. 


Look at Vibe to look your best
Love,
E

Thursday, March 19, 2020

ИЗБОР ОД НАЈДОБРИТЕ ПРОИЗВОДИ ОД МОЈАТА КОЗМЕТИЧКА РУТИНА


Пред извесен период си ветив себеси дека никогаш повеќе нема да дозволам кожата на лицето да ми изгледа запуштено. Верувам и дека никој од вас не ја посакува оваа состојба. Затоа, во изминатата година пробав многу производи за нега лицето и кожата од различни брендови, од оние со повисока цена, до оние со пониска цена. Дојдов до интересен заклучок при користење на сите овие производи, не дека е некое откровение, но, уште еднаш ми се потврди дека кожата сака редовна нега и производи кои полека ја враќаат нејзината еластичност и сјај. Сите производи кои имаат брз и моментален ефект, функционираат пократко време, да не речам толку колку што ќе ги користите. 
Сите производи кои имаат спор ефект, оние за кои треба време и упорност, и од кои едвај и полека се гледаат ефектите, ми се покажале како најделотворни и со трајни резултати. Бидејќи кожата секогаш ми била приоритет, сум обрнувала внимание на квалитетот на производите кои ги користам и дополнително на ова да не ја изложувам кожата на јаки и со штетни хемикалии производи. 
Идејата на денешниот пост е да ви посочам неколку производи кои ги користам во мојата секојдневна козметичка рутина и кои навистина се покажале како полезни за мојата кожа на лицето. Верувам дека од моето искуството при користење и резултатите од овие производи ќе може и вие да извлечете некој совет плус, ќе пробате нов производ или дури, нова рутина.  
1. Мицеларна вода Bioderma Sensibio H2O 

Ќе почнам со производот кој го користам веќе седма година по ред -мицеларната вода на Bioderma. Низ годините, сум пробала многу мицеларни води, но ниту една не ми се покажала како оваа. Со неа го чистам лицето наутро, ја вадам шминката, ја освежувам кожата кога ја чувствувам затегната, во било кој период од денот, ја користам навечер пред легнување и после вежбање. Дури кога ќе почнете да ја користите оваа мицеларна вода, ќе сфатите колку прљавштина ви се насобира на неа. Буквално, памукот со кој ќе чистите лицето, ќе биде со темно кафена боја. 

Ниту една друга мицеларна вода не ми го чистела лицето како оваа на Bioderma. Барем не од оние кои сум ги користела, а верувајте имам пробано скоро се што се нуди на нашиот пазар. А чистењето на лицето е најважен процес, пред да продолжите со остатокот од рутината. 
2. ANEW Skin Reset Plumping Shots ампули со протинол



Првпат се сретнувам со овој термин- протинол. Знаев што е ретинол, но протинол не. Оваа технологија е патентирана од страна на AVON. Што значи и како делува протинолот? Тој ја обновува загубата на колагенот на кожата на лицето. Ако го земеме предвид фактот што со загубата на колагенот, кожата ја губи еластичноста, нејзиниот сјај и на тој начин се создаваат и повеќе брчки, оваа состојка ни е и повеќе од потребна. 

Третманот доаѓа во пакување за 7 дена и навистина ми е криво што се користат еднаш во месецот, бидејќи резултатот беше вау. Одамна си ја немам осетено кожата така мазна, сјајна и со здрав изглед. Третманот се користи навечер, 7 денови последователно, со масирање на течноста на кожата на лицето и на вратот (јас ја ставав и на вратот). После 15 минути од нанесувањето, продолжив со крем за лице, од што заклучокот ми беше дека што помасен кремот, резултатот следното утро беше подобар. Не користев други производи по нанесувањето на кремот.
3. ANEW Radiance Maximising серум со витамин Ц




Откога ги открив производите кои во себе содржат витамин Ц, буквално се опседнав да го пронајдам најдобриот за мојата кожа. Серумот на ANEW е еден од најдобрите што ги пробав. Најважниот бенефит на витаминот Ц за мојата кожа е осветлувањето на темните дамки кои со текот на годините ми се појавиле, што од сонце, што од други надворешни влијанија. Овој на AVON во себе содржи 10% стабилен витамин Ц, доза еднаква на 30 исцедени портокали.
Кој не користел производи со витамин Ц треба да има на ум дека на кожата и треба време да се навикне на него. Затоа, во првите денови од неговото користење може да осетите пецкање и благо чешање на кожата. Но, овие симптоми ги снемува после една недела од користењето. 
Моите впечатоци: дел од флеките кои ги имав на лицето скоро исчезнаа, кожата ми беше со голема доза на сјај и ја осетив мека и мазна. Серумот го користев или рано наутро или попладне кога не излегував после тоа од дома. И овој период на карантин е одлично време да почнете да го користите. 
По секое нанесување на производот, задолжително продолжете ја рутината која ја практикувате, како крема за лице и што и да користите дополнително.  
4. Крем за лице Weleda Skin Food Original


Мислам дека во моментот немам доволно зборови да ви опишам колку е делотворна оваа крема за лице. Знам дека ќе ви изгледа долго подолу напишаното, но ве уверувам дека вреди да се прочита. 
Ако сите од крема за лице бараме да ни овозможи хидратација, заштита од надворешни влијанија, еластичност, сјај, здрав изглед, и слободно додајте ја на листава секоја идеја што ќе ви падне напамет, сето ова ќе го добиете само после првите неколку денови од нејзиното користење. 
Одлична е во комбинација со витамин Ц во прав (го мешав во дозата на кремот и со кружни движења мачкав на лицето и на вратот), со протинол ампулите (нанесував убав слој од кремата после протинолот, како еден вид на маска за преку ноќ), со хијалуронска киселина (исто така неколку капки ги мешав во кремот и нанесував на лицето). 
Јас имам масна кожа во пределот на Т- зоната, и интересно е тоа што оваа крема не ми ја замастува дополнително кожата, туку и дава убав сјај и свежина. Топло ја препорачувам на сите да ја пробаат. 

п.с Овој пост не е во соработка со ниту еден од гореспоменатите брендови. Текстот и мислењето се комплетно мои, донесени од искуството при користење на производите. 


Look at Vibe to look Your best
Love,
E

Wednesday, March 18, 2020

СОВЕТИ ЗА УСПЕШНО РАБОТЕЊЕ ОД ДОМА



Првата тема која ќе ја обработуваме денес е како да работите од дома, а да не ја изгубите концентрацијата и мотивацијата. Не можам да кажам дека сум експерт на оваа тема, но секако како некој кој веќе 6 години (седмата веќе е на прагот) го работи блогот активно, од кои три без да има дополнителна работа, имам создадено рутина и неколку правила до кои се придржувам и верувам дека ќе ви помогнат во создавање на вашата работна рутина од дома. 

1. Намести си го креветот
Ова можеби на прво читање ќе ви звучи смешно или клише, но верувајте е многу важен сегмент од работниот ден во домот. И без разлика на тоа колку ви е голем домот, дали имате 100 квадрати или 40, ова правило е задолжително: денот го почнувате со местење на креветотСо чувството дека сте станале и сте го наместиле креветот, денот ви добива друг тек и ќе го сметате овој чин за првата завршена обврска во денот. Плус расфрланите чаршави по дома нема да ве повикуваат на претпладневна дремка. 


2. Облечи се
Ова е едно од најважните правила. Никогаш не работете во пижами. Па дури и да ги облечете тренерките или хеланките за вежбање, секогаш да бидете облечени во облека која не е за спиење. На крајот од денот, ќе забележите дека облеката делува психолошки на вашето расположение за работа. Ако се прашувам јас, дури би вежбала и комбинации кои подоцна, во подобри времиња од овој домашен карантин, би ги носела на работа. 



3. Воспостави рутина

Утринската рутина е најважна. Јас станувам пред шест часот па имам доволно време до седум да ги прелистам сите „новости“ на социјалните медиуми и на веб порталите со првото кафе, па потоа активно да почнам со работните обврски, кои секогаш си ги задавам како задачи пред да почнам да работам. Знаете, постојат куп одлични апликации и софтвери кои можат да ви помогнат да се организирате и таму да си ги зададете дневните или подолгорочни обврски. Една од најдобрите покрај Google Sheets и Google Drive за оние кои имаат Google акаунт, за мене е TrelloUser friendly, одлична за организација, работи на сите оперативни системи и е бесплатна за симнување. Во прилог ставам линк од уште неколку бесплатни апликации за работа, текстот е одличен, информативен и многу може да ви помогне ако не знаете што барате (bit.ly/3b64C0m).
Доколку не сте фан на апликации, секогаш можете да го искористите стариот добар тефтер и во него да си ги запишувате сите задачи и да штиклирате тоа што сте го завршиле. 


4. Направи канцеларија
Кога го почнував блогот, имав заеднички лаптоп, не лично мој, па морав да се адаптирам на потребите на другиот. Правевме распоред кога и како да го користам и најчесто немав едно место за работа. Но, после една година, кога веќе поседував мој лаптоп, се стационирав на едно место, кои го направив моја канцеларија. Ова катче до денес, е мојата канцеларија. Овој ист простор во мојата глава веќе е препознаен, на секое гледање, како канцеларија за работа. Дополнително, на овој начин сега и моето момче веќе го препознава и признава просторот како мојата канцеларија.



5. Комуницирај со колегите
Покрај комуникацијата со другарките, важно е да комуницирате и со колегите. Дури и ако немате заеднички проект, бидете проактивни и на дневна основа зборувајте со нив. На тој начин ќе го задржите чувството на поврзаност со колегите. Закажете еднаш во два-три дена и заеднички повик, чисто да се избрифирате што сте сработиле. 


6. Размрдај се
Работното катче не ви служи само да се заковате за столчето и да работите од 9 до 5. Супер идеја е додека имате повик (од оние само со аудио) да се размрдате. Пример, во понеделникот имав повик со мојот тим на скајп, и додека слушав, на звучниците од лаптопот, го пеглав купот од алишта кој ми беше останат од викендот. А денес, имам повик кој ќе трае скоро три часа, па планирам да го слушам на терасата на која имам сонце до напладне, и ако веќе не можам да седам, да направам некоја серија на вежби.


7. Земи воздух
Овој совет е тесно поврзан со претходниот. На сите ни треба доза на издишување после напорна работа. Затоа направете пауза неколку пати во работниот ден. Без разлика дали ќе излезете во двор, на тераса или ќе одлучите да свртите круг со кола, земете воздух и соберете сила да ги доработите обврските. 


8. Дефинирај го работното време
Од особена важност е да си го дефинирате работното време. За ова правило ми требаше многу време да говметнам во дневната работна рутина. Понекогаш работев од пет часот наутро, некогаш неколку денови во вечерните часови и постојано бев уморна. После извесен период се приморав да работам во точно зададен временски интервал. И тоа функционираше беспрекорно, бидејќи работата си ја делегирав да ја завршам во периодот на моето однапред зададено работно време. Само со добра организација и тајминг може да постигнете одлични резултати.


9. Вежбај
За оваа тема немам што многу да зборувам освен да кажам дека 20тина минути наутро или навечер се сосема доволни за да одржувате кондиција. Во ова време на самоизолација многу е лесно да се стане тромав и да се подлегне на пролетната мрза, која психички делува и на останатите обврски кои ќе ги имате во текот на денот. 

И на крај, ме интересира ваше мислење и искуство од работата дома. Вклучете се во комуникацијата под постот од овој линк. 


Ваша,
Miss Urban Vibe

Sunday, August 11, 2019

BLONDME DETOX TREATMENT WITH SCHWARZKOPF PROFESSIONAL



Да се има руса коса е сериозна инвестиција. Без разлика дали имате руси прамени, балајаж или целосна руса боја на косата, подеднакво мора да и пружите нега и да инвестирате во нејзиното здравје, бидејќи постојат повеќе фактори кои работат против вашата руса боја на косата. Загадувањето на средината во која живееме, сонцето, влажноста на воздухот, летно време солта, хлорот од водата се само дел од штетните влијанија кои ја прават сува, оштетена и работат против нејзиниот здрав изглед.

Секојдневните работни обврски и стресот, исто така многу влијааат на косата, посебно на скалпот, коренот и бојата. И не само стресот, кај мене дополнително, поради мојата ангажираност на блогот косата ми е многу подложна на отетување од фен, пегла за коса и производи за нејзино стилизирање. Тука е и постојаното боење, бидејќи ние блондинките, нели, никогш не сакаме да пуштиме и да трпиме и милиметар црн корен. Освен тоа, животот во Скопје, поради загаденоста на воздухот во него и тврдата вода дополнително придонесува за нејзино поголемо оштетување.


Знаејќи ги сите овие факти, во консултација со мојот фризер Дарко Петковски (Hairhouse) решив да ја сменам секојдневната нега и внимателно да ги одберам производите со кои ќе го правам тоа. На мое задоволство, косата ја доверив во рацете на тимот на Schwarzkopf professional кои се погрижија да ја добијам соодветната нега која ми беше потребна во моментот кога ја договоривме оваа соработка.  


Во тој периодот, кога ги договаравме третманите за коса, не бев фарбана скоро три месеци, и од ладна нијанса на руса, во моментот имав жолто-руса коса, со десетина сантиметри темен корен од мојата природна кафена боја на коса. Тргајќи од оваа состојба на мојата коса, со тимот на Schwarzkopf professional се договоривме првенствено да го пробам нивниот нов третман за коса Blondme detox. Морам да признаам дека имав мала доза на скептичност пред да го направиме третманот, бидејќи мислев дека ќе резултира како и сите други производи за коса кои ги имав пробано: добри, но не со впечатливи резултати и вау ефект. 
Сепак, решив да му дадам шанса на третманот бидејќи што повеќе дискутиравме за мојата состојба на косата, се повеќе ме убедуваа дека заклучокот донесен врз база на други производи ми е погрешен. Знаете, кога не сте доволно компетентен да донесете одлука, сепак, најдобро е да ги послушате професионалците кои си ја знаат својата работа и производите.

Стигнуваме до денот кога кога го направивме третманот. Се сеќавам дека беше ветровито утро и еден од оние денови кога беше загадено во Скопје. Со мојот колега Коста се најдовме во просториите на академијата на Schwarzkopf professional каде не пречека Александра. За да биде поверодостојна целата оваа приказна направивме пред и потоа фотографии од бојата и состојбата на мојата коса. На самата фотографија може да се види дека косата ми е оштетена при врвовите и бојата од платинеста руса ми е жолта руса.

Во што се состои и како се нанесува третманот
Blondme Detoxifying System во себе содржи доза на чист витамин Ц, кој ја штити косата и ја прочистува бојата, амино киселини кои ја зајакнуваат, јаболкова киселина која и прави детокс и семе од моринга кое како состојка помага за раст на косата и нејзино обновување. Тоа е третман чија текстура е прашкаста и за да може да се нанесе на косата, работи на принцип на соединување со дополнителен производ, во мојот случај со Blondme Keratin Restore Bonding маска за коса. 



Се мешаат двата производи и се нанесуваат на косата идентично како и кога ја бојадисувате, ја делите прамен по прамен и нанесувате по целата нејзина должина. Се остава да делува 15-тина минути и се измива со шампон за коса, во мојот случај со Blondme Keratine Restore шампонот за коса. Косата на крајот се суши и се стилизира онака како што ја носите. Ова е салонскиот детокс третман, кој е различен од оној кој можете да го направите по дома. 



Впечатоци од третманот
Не само што добив вау ефект, туку бојата на косата никогаш не ми била толку чиста и сјајна, дури ни кога ми е тазе бојадисана. Целиот ефект е сосема очигледен, и на прв поглед и на допир со рака. Косата е мека, еластична, лесна и лелеава. Благодарение на Blondme третманот за детоксификација, бојата на мојата коса буквално оживеа. Интересно е тоа што и покрај фактот што не бев фарбана три месеци, сите добија впечаток дека сум ја фарбала косата и промената на бојата беше повеќе од очигледна. Сите присутни бевме затекнати од ефектот на третманот. На моменти не можев да престанам да си зјапам во косата бидејќи досега, ја немав видено во ваква состојба.


Ефекти од третманот
  • Ги измива тешките минералите и другите остатоци од тврдата вода
  • Ја зајакнува косата одвнатре кон надвор
  • Ја враќа свежината и сјајот благодарение на чистиот Витамин Ц
  • Прави длабока детоксикација и вашата руса коса веднаш ја освежува и ја прави поздрава.


За кого се препорачува
Го препорачувам третманот на сите блондинки кои ја делат страста за убава и негувана руса коса, на сите кои се трудат да ја задржат бојата, свежината и сакаат да се изборат со влијанијата од секојдневното загадување и тврдата вода. Сега конечно има третман чијашто експертиза одговара на сите овие потреби на блондинките.

Blondme detox третман во домашни услови
Детокс третман на косата може да направите и дома со користење на Blondme Detoxifying System Purifying Bonding шампон и Blondme Detoxifying System Bi-phase Bonding & Protecting спреј.

Овој пост е во соработка со Schwarzkopf Professional. Текстот и мислењето се комплетно мои, донесени од искуство при користење на производите. 

Look at Vibe to look Your best
Love,
E