Friday, April 19, 2019

BACKWARD TRENCH STORIES









Photography: Kosta Stamatovski
Styling: MissUrbanVibe
Make up: MAC Cosmetics Skopje
Location: Museum of Contemporary Art in Skopje (Exhibition by Jane Calovski and Hristina Ivanoska: Epilogue- Form of an argument)

Look at Vibe to look Your best
Love,
E

Tuesday, April 9, 2019

NAKIT ZA KOSA. NAJGOLEMIOT PROLETEN TREND


Украсите за коса се еден од најголемите трендови што ќе ја одбележат пролетната сезона. Минатата година се појавија волуменозните шноли на косите на трендсетерките на модните недели ширум светот, а потоа на ред дојдоа панделките од сатен кои го освоија срцето и на дел од светските модни брендови на чело со Шанел. Најинтересно е тоа што додатоците, како многу шноли одеднаш комбинирани на коса, станаа ултрапопуларни и кај street style хероините, а претходно тие беа додатоци резервирани за по дома, додека чистите, перете, миете и спас за фризура после напорен работен ден. Епа дојде време за нови креативни идеи и стилови со старите добри додатоци. Оваа пролет дефинитивно треба да посветите внимание на деталите.   


Во соработка со нашиот најпопуларен бренд за уникатни додатоци Ла Мартина Монро, направивме избор од најинспиративните и најмодерни парчиња на сезоната.


Модерна Снежана

Иако Снежана во цртаните филмови носи венче со панделка во црвена боја, модерните Снежани оваа сезона носат турбан венче. Еднобојно, од тантела, од плиш, со пруги, со цветови, во јаки бои, можностите се неограничени. Секако прилагодете ги принтот или бојата на вашата коса и на комбинацијата која ја носите и нема да згрешите, каков и тип да одберете. 


Сепак, трендсетерките ширум светот како парче кое ќе ја одбележи сезоната, го одбраа волуменозното венче. Што поголемо и подебело, толку помодерно. Уште и ако е нанижено со бисери, сте погодиле два тренда, со еден додаток.



Време е да се врзеш 

Да, оваа пролет време да врзете панделка во косата. Сетете се на Брижит Бардо или Гвен Стефани кои гордо носеа панделки во косата. Едната во вид на марама врзана на главата, а другата со венчиња со волуменозни панделки. Овој тренд не само што е шик, туку и на секоја модна комбинација и дава стилски печат. Но сепак, оваа сезона преовладуваат шноли украсени со сатенски панделки. Нив можете да ги носите се секоја пригода, за на кафе, преку ден, за вечерни излегувања и за на работа. 


На вас останува да го пронајдете вистинскиот начин на кој би ги носеле. Дали на полусобрана или целосно собрана коса или прикачена на реп фатен во долниот дел на главата. Можностите се безбројни.

Пепе ги сака бисерите и бисерите го сакаат Пепе

Оваа сезона бисерите преовладуваат во модната индустрија. Што на облеката, што на додатоците. Сепак, првата помисла кога станува збор за бисери секако асоцира на накит и додатоци за во коса. Овие шноли се одлични за да ја разиграте секоја досадна модна комбинација и сигурно ќе ви се најдат во време кога нема да имате никаква идеја што да правите со косата, а ќе сакате да пробате нешто ново и интересно. Не бараат којзнае каков труд, облеката треба да е сведена на едноставни комбинации, а нагласокот, секако на косата и шнолите. Што поголеми, тоа подобро и повпечатливо. Во секој случај, инвестирајте во вакви шноли кои ќе ја заокружат целата ваша модна комбинација.


Повеќе е помалку

Во буквална смисла на зборовите. Што повеќе раскошни шноли во косата, тоа подобро и помодерно. Без разлика дали ќе се одлучите за тенки или пак за шноли со цветови, принтови, бисери или некаква порака (текст)оваа сезона се носат сите. Најдете ја приликата и испробајте го овој тренд. Секако највпечатливи се кога ги носите со пуштена коса, меѓутоа одлично стојат и со пунџа или собрана коса во реп.


Ако многу шноли ви изгледаат пренатрупано, секогаш може да го земете примерот на Гвинет Палтроу како филмската хероина Маргот Тененбаум, чијшто заштитен знак беше метална шнола закачена на страна на пуштена кратка коса.


Секој од вас треба да ја пушти имагинацијата да проработи и да го пронајде својот омилен моден додаток. Ако ви е тешко да одберете секогаш постои опцијата да ги пробате сите понудени трендови. А во случај да ви треба инспирација за тоа како да ги носите, нашата галерија е тука за доза модна инспирација. 

И не заборавајте дека овие додатоци секогаш најдобро одговараат со убаво средена и негувана коса. Ова посебно важи за блондинки како мене. Јас имав среќа мојата коса да ја средат и за неа да се грижат вистински професионалци како тимот на Schwarzkopf Proffesional Makedonija. Искуството од соработката со нив и користењето на производите а коса Blonde Me, ќе може да ги прочитате наскоро во нов пост.   



Accessories: La Martina Monroe
Photography: Kosta Stamatovski
Hair done by: Schwarzkopf Professional Macedonia

Look at Vibe to look Your best
Love,
E

Wednesday, April 3, 2019

MEET THE BRAND: CHIC UTILITY


Во рамките на овогодинешниот Моден викенд Скопје се одржа шоурумот Обединета мода, на кој учествуваа дваесетина модни дизајнери од повеќе држави од Југоисточна Европа. За мене, оваа новина донесе многу голема свежина на манифестацијата бидејќи имавме можност да се запознаеме со стилот и естетиката на странските модни дизајнери и брендови. Ова беше ретка прилика за сите модни вљубеници да почувствуваат малку поинакво модно доживување ао мултимедијален карактер. Иновативна употреба на впечатливи модни детали, оперирани од последните наметнати модни трендови, стилски комбинации кои се автентични и индивидуални за секој од дизајнерите на шоурумот, минимализам, авангарда, специфичен естетски сензибилитет. 


Кога првпат го добив меилот со содржината на овој шоурум, првото нешто што ми падна на памет е да направам соработка и едиторијал со дел од модните дизајнери и брендови. Нема поубаво чувство од откривањето на нова естетика и правењето на модни комбинации од брендови кои допрва ги запознавате. Во договор со организаторот, Моден викенд Скопје, решивме да направиме едиторијали со сите парчиња прикажани на шоурумот, кои ќе ми остават најмногу впечаток и ќе го привлечат моето внимание како блогер и стилист. 

Првиот бренд, ако ја иземам нашата Росица Мршиќ (која како и секогаш ме остави без зборови со нејзината последна колекција, која ќе ви ја претставиме во некој следен пост), беше брендот Chic utility од Романија. 

Нивната последна колекција насловена Fishing for compliments е содржана од спортски шик парчиња, парки, ветровки, целосни панталони, маички со асиметрични додатоци, реси, паспули и многу секојдневно-несекојдневни парчиња на облека. Силен контраст на бои, необични материјали, волуменозни пропорции и несекојдневни парчиња се токму клучните работи кои ме освоија кај овој бренд.









Од приложените парчиња на шоурумот оваа комбинација ми беше омилена. Верувам во избор на прв поглед, па затоа се одлучив токму нив и да ги вметнам во денешниот пост. Единствено ми е криво што немавме повеќе време да сликаме уште неколку комбинации кои ми го привлекоа вниманието. Ама знаете како се вели: в година повеќе. Нели?! 

Сите што сакаат да погледнат нешто повеќе за брендот Chic utility, тоа може да го направат на следниот линк: Chic Utility

Today I'm wearing:

Chic Utility Sunwaves overall 
Chic Utility jacket
Lommer bag
Stella McCartney for adidas barricade boost shoes

Photography: Kosta Stamatovski
Styling: Emilija Vuchinovska
Make up: Katerina Mircheska for MAC Cosmetics Skopje
Special thanks to Fashion Weekend Skopje for this collaboration. 

Look at Vibe to look your best
Love,
E

Thursday, March 28, 2019

SOVETI I TRIKOVI OD UREDNICITE: KAKO DA SE OBLECETE AKO STE POSETITEL NA MODNA NEDELA


Секој сака да остави добар впечаток со облекувањето, но не е лесно да се состави совршената комбинација за да се постигне тоа. Ова посебно важи за комбинации кои треба да ги носите за одредени пригоди како претстојното издание на Модниот викенд Скопје. Се навикнавме секоја година меѓу присутните да гледаме сѐ повеќе неинвентивни комбинации и лошо ускладени парчиња на облека. Причината поради која што го пишувам овој пост во соработка со домашните модни уреднички и новинарки е да дадеме совет за тоа како би требало да изгледа еден соодветно облечен посетител на модна недела.


Емилија Вучиновска, блогер и новинар

Во една прилика напишав дека постои тенка линија меѓу соодветно и модерно и несоодветно облекување, па затоа би почнала со првото правило по кое се водам секојпат кога составувам одредена комбинација: излези од својата комфортна зона. Поставете си предизвик да носите нешто што никогаш не би го облекле за на работа или за на кафе со пријателките. Пуштете ја вашата имагинација да работи и не плашете се да пробате различни комбинации. Дури и оние кои на прв поглед ви се чинат невозможни.  



Внимавајте само да останете верни на својот стил, бидејќи сѐ што е со премногу напор, се приметува и изгледа вештачко. И не заборавајте, носете облека која одговара на вашата градба на телото и во согласност со вашите години. Избегнувајте мини, тесно, кроп маички, премногу натрупани комбинации, многу парчиња што отскокнуваат измешани во една комбинција. Размислувајте повеќе на едно уникатно парче кое ќе ја предводи комбинацијата и додатоци кои имаат приказна за себе.



Катерина Трајановска, уредник на Stylist 

Модерна елеганција со суптилно вметнување на актуелни трендови и иновативна употреба на впечатливи модни детали е добитна стилска комбинација скоро секогаш, но за присуство на модна ревија се бара одреден моден исчекор и смело додавање на непредвидливи елементи. За скопскиот сезнзибилитет и за посета на Моден викенд одговара уникатен спој на впечатливост и умереност кој произлегува од личниот стил, а е прилагоден на карактерот на настанот и на стиловите на дизајнерите чии ревии се посетуваат. 


Лично јас ја сакам играта со пропорции и со текстури, експериментирањето со со бои и шари, но често сум расположена за минимализам/максимализам микс на мој начин – базични парчиња комбинирани со впечатливи детали. Опција се панталони со висока половина и блузи со необичен крој, женствен фустан со рокерска кожна јакна, шизичко плисирано здолниште и уште пошизичка маица, предимензионирани палта и тренди мантили, светкави чевли и обувки со структурални потпетици, специфични накит и мали чанти. 


Преферирам мешање на некомпактибилни елементи со цел да се добие оригинален изглед, но во спонтан и ноншалантен манир, во спротивно се чувствува кога „чудното“ не поизлегува од авентичноста. Моќта е во деталите, но оставам само еден детаљ да е впечатлив. Оваа сезона на Моден викенд програмата се темели на шоурум претставувања, изложби, неколку ревии на дизајнери од различен карактер, во нов простор кој е најавен како поавангаден, и сево ова ќе го детерминира конечниот избор на стајлинг.


Ако смеам да советувам, предлагам автентичност и сензибилност над сензационализам. Изберете нешто непредвидливо, но не премногу нападно, специофично, но не свадбарско. Нека биде тоа моден спој кој се темели на светската мода, а не на регионалната естрада, да има малку од париска ноншалантност, доза на британска екцентричност, инспирација позајмена од сканднавските стилски ѕвезди, но креариран во скопски дух. Останете свои и заборавете го амбициозното редење на сите ваши омилени модни париња во една комбинација со цел да бидете што повеќе забележани. Изградениот личен стил се „чита“ на прв поглед. Во крајна линија, да, не постојат универзални правила -  сè е манифестација на сопствениот стил!


Снежана- Сани Богдановска, моден новинар

ПРВОТОТО и основно правило кое е основа на добриот стил генерално е да се почитува сопствената фигура. Без оптимално познавање на сопствените условености сето останато губи смисла, најмногу модниот експеримент. А тоа е многу  едноставно да се запази-да се замаскираат недостатоците и потенцираат убавите места. 
Пред сè модна ревија е Вашата шанса да се издвоите и да го покажете вашиот личен стил. Единствено место каде може да се покаже сета модна храброст, инвентивност и слободноумност. Можност за експериментирање и визионерски идеи. Но тоа треба да е производ на индивидуална мисла и многу добро естетско чувство а не обид да се ископира некаков туѓ храбар обид што е веднаш читливо и покажува модна инфантилност.


Највисок степен на прикладност како гостин кој го треба да го испочитува домаќинот, пред сè е да се поведе кон тематиката на модниот настан. Во најлош случај е дрско да се појавите во сосем спротивен стил од стилот во кој што твори дизајнерот. Најпожелно е да се носи нешто од арсеналот на дизајнерот или во таква неможност нешто што одговара на тој дизајнерски израз. Ако не постои такава можност тогаш неутралното во сопствен стил е најприфатлива варијанта.


Неколку пластични упатства:

На модна ревија НИКОГАШ не се носи вечерен свечен фустан, дури ни кога дизајнерот прикажува таков тип на дизајни (патем ниту на спектакуларните ревии на висока мода никој не се појавува така).

На моден настан не се носи голема чанта.

На моден настан не се доаѓа како за на работа, за во парк или за во кафуле, но исто така не и како за на свадба или матура.


Марија Крстова, уредник на Fashionel 

Секогаш кога е Моден викенд Скопје во прашање, убаво е доколку имате можност да ги испочитувате домашните дизајнери и за оваа прилика да одберете парче од македонски дизајнер.На покана на Емилија за нејзиниот моден блог „Urban vibe by Miss E“, комбинирав предлог стајлинг за претстојнот Моден викенд, што вклучува спој на романтична и урбана естетика.Одбрав женствен фустан на прерамки во нежно розова боја од македонскиот моден бренд Елена Лука и го споив со безвременската џинс јакна. 


Деталите секогаш имаат клучно влијание во потенцирањето на индивидуалноста, а истовремено и во комплетирањето на целосниот изглед, па затоа одучив во овој аутфит, половината да биде нагласена со тенко црно ременче. Изгледот е финиширан со елегантни црни сандали со ременче околу глуждот.


Look at Vibe to look Your best
Love,
E

Tuesday, March 26, 2019

GET READY FOR SPRING PULSATION


После долгата зима, кога доаѓаат првите сончеви денови сите се будиме како природата. Окулу нас се се обновува, а нас не тера да излеземе од долгиот зимски сон, да станеме активни и да почнеме нови работи. Занесени од убавото време и прогноза, забораваме дека ни треба период на навикнување од ладни на потопли денови, па полни со елан се трудиме да ги завршиме сите обврски. Но, пролетната мрза не заобиколува никого. И во целиот овој преоден период, кој мораме да го пребродиме, треба да останеме позитивни и да се трудиме да си ја подобриме концентрацијата, во спротивно ќе се препуштиме на мрзата и нема потполно да уживаме во убавото време кое надоаѓа. На оваа тема, ви подготвивме неколку совети за тоа како побрзо да транзитирате во пролетта. 


Детоксикација на организмот

За да го спречите уморот најважно е да го исчистите телото и умот од сите токсични работи кои ви влијаат на расположението. Најважно е да ја прилагодите вашата исхрана на годишното време. Тешките, еднолични зимски оброци да ги замените со јадења и храна полна со диетски влакна, протеини и витамини. Вклучете сезонско овошје и зеленчук и пијте многу вода. Трудете се во вашите оброци да има повеќе зелени намирници, за кои нутриционистите велат дека му прават природна детоксикација на организмот, а притоа ја одржуваат еластичноста на кожата, а телото свежо. 

Кога сме веќе кај пролетно чистење, може треба да размислите и за прочистување на вашата контакт листа од сите контакти кои ви ја одземаат позитивната енергија. Рековме, време е за нови промени, нели?!



Рекреација наместо нови апликации

Конечно е време да ја реализираме реченицата: почнувам од понеделник. Не понеделник, туку тука и сега. Веднаш! Пролетта е идеално време за рекреација, за вежбање, за возење на велосипед, за пешачење, на планина, во природа. Секаде каде што можете. Без да ги загреете задниците, знаете дека нема резултати. Овој е периодот кој е измислен за да го зајакнете телото и имунитетот. 

Наместо на работа да одите со автомобил или автобус, одете пеш или со велосипед. За викендите уживајте на море, река, планина, во чистиот воздух и во природата. Додека го правите ова заборавете на телефоните и играњето со милион апликации. Sверете се во небото, наместо во последните сториња на инстаграм.



Нова козметичка рутина

Промената на биоритамот носи промена на вашата кожа. Затоа, многу внимателно одберете ги вашите пролетни козметички производи за нега на кожата на лицето и на телото. Размислувајте на производи кои ќе ја хидрираат и ќе ја одржат чистотата на кожата, но во исто време и размислувајте за производи со СП фактор што ќе ве штитат од првите сончеви зраци. Десет минути наутро и десет минути навечер ви се сосема доволни за да го постигнете бараниот резултат и да ја заштитите кожата за летото кое допрва следува. На овој начин, нечистотијата, остатоците од шминка и мртвите келии ќе ги снема а на кожата ќе и го вратите природниот сјај.



Dress & jacket Liu Jo
Bag Pinko
Shoes Zara

Photography: Kosta Stamatovski
Styling: MissUrbanVibe
Make up: MAC Cosmetics Skopje
Special thanks to Muzej na Sovremena Umetnost Skopje for their hospitality 

Look at Vibe to look Your best
Love,
E