NEGA NA KOSATA VO LETNIOT PERIOD SO LANGHAARMÄDCHEN

Нега на косата во летниот период е од особено значење, бидејќи УВ зрачењето од сонцето, морската сол и влагата се штетни и го нарушуваат квалитетот на косата. Затоа, многу е важно да посветите посебно внимание и да ги најдете вистинските производи за заштита на косата од сите надворешни влијанија. Што поголема грижа водите за својата коса, толку таа ќе биде поздрава.  

Без комплицирање, планот за оптимална нега ги опфаќа следниве продукти: шампон прилагоден за типот на вашата коса, регенератор и производи за третман на ревитализација како масло за коса, маска и слично.

Пред извесен период, DM дрогерии претставија уште еден ексклузивна бренд во своето богато портфолио- LANGHAARMÄDCHEN, што во превод значи девојки со долга коса. Накратко, приказната за брендот е приказна на две млади, самостојни стилистки, кои својата страст кон долгите коси ја преточуваат во оваа линија на производи, и со помош на DM дрогерии ги создаваат продуктите за нега и стилизирање на коса. Бидејќи по природа сум човек кој постојано сака да пробува нови производи и не се плаши да експериментира со косата, им се обратив на DM дрогерии и се договоривме да тестирам неколку од производите на LANGHAARMÄDCHEN.

По скоро двомесечна употреба, решив со вас да ги споделам моите впечатоци.

Ќе почнам со шампонот за коса LANGHAARMÄDCHEN Angel Blond. Бидејќи една година сум русокоса, многу внимавам да шампоните за коса кои ги користам, првенствено се наменети токму за русокоси. Овој шампон има убава густа текстура и уште поубав мирис на масло од монои и Ylang Ylang. Не ја отежнува косата после нанесување и не ја лепи од коренот.

Во периоди кога почесто ја мијам косата, доволно е само едно нанесување од шампонот, добро втријување и косата ви е чиста и спремна за убаво миење. Го препорачувам на сите русокоси за секојдневно користење, бидејќи по негова употреба, косата ми е еластична и лелеава со волумен и сјај.  

Во упатството за употреба на шампонот стои дека најдобар ефект има ако го измасирате во косата, оставите неколку минути да делува и да го исперете. 

Пробано: одличен и делотворен начин за користење на истиот.   

Регенераторот за коса LANGHAARMÄDCHEN Angel Blond не го користам многу често, не поради фактот што не е добар, туку бидејќи се вљубив во маската за коса од овој бренд и можеби премногу често ја користам неа, на сметка на регенераторот.

Регенераторот има сличен мирис и текстура како и шампонот. И тој е наменет за руса коса. По негово нанесување, евидентна е еластичноста, мекоста и сјајот во влакното на косата. Исто како и шампонот, се препорачува неколку минути да стои на косата и после тоа темелно да се измие. Не сум осетила косата да ми е тешка и премногу мека додека го користам, што е добро, бидејќи во спротивно нема да можам да ја обликувам како што треба и ми се електризира.

Дојдов до мојот омилен производ, маската за коса LANGHAARMÄDCHEN Silver Blond. Одамна немам користено волку добар производ за коса, а чијшто па мирис е уникатен и единствен. Ме освои при прво отворање на кутијата.

Лавандата и божурот, споени заедно, прават хармонија од мириси во бањата додека го нанесувате и верувајте ми ќе се вљубите на прво нанесување. Прекрасниот мирис останува во косата во текот на целиот ден откако сте ја користеле маската, а косата ќе ви биде мека, полна со сјај и живот. 

Производот дополнително е наменет и за извлекување на жолтилото во бојата кај боените русокоси.

Сите LANGHAARMÄDCHEN производи се направени да се надополнуваат еден со друг, во смисла, секој да делува на различен начин на косата, а заедно да прават една целина во заштита на влакното на косата. Затоа, начинот на којшто  јас ја ги користам производите е следниот: шампон, регенератор, маска и на крајот завршувам со мојот втор омилен прозивод од оваа линија- маслото за коса LANGHAARMÄDCHEN Intensive Repair.

Маслото е наменето е за интензивна нега на косата и кај мене, дополнително, има одличен резултат и во расчешлување додека косата ми е мокра. Го користам на двапати во едно миење. Нанесувам две до три капки на прстите и го масирам на врвовите на косата додека ми е мокра. Вториот пат нанесувам само две капки на прстите и го нанесувам на врвовите на полусува коса.

Иако на прв поглед ќе ви се чини дека е многу масно и густо, кога ќе го нанесете маслото на косата, воопшто не се чувствува маснотијата и лесно се аплицира и спојува со текстурата на влакното на косата. Бидејќи содржи масло од кокос, дополнително ја негува и има одличен ефект за косата.

Го препорачувам, не само на русокоси, туку на сите девојки кои сакаат оптимална заштита на косата, од производ, кој дава дополнителен сјај, ја прави косата мазна и не ја лепи, што на мене, ми е многу важно при одбирање на производи за коса. И покрај неговото нанесување, косата ми останува разбранувана и со волумен од самиот корен.

Целата LANGHAARMÄDCHEN линија е одлична и содржи провитамини и антиоксиданти, што на косата и даваат здрав и сјаен изглед. Секој може да си ги комбинира производите согласно своите потреби и видот и типот на косата. Цената им е навистина пристапна, за помалку од 1500 денари може да направите комбинација од сите производи неопходни за целосна грижа и нега на косата.

Единствена “мана” на производите е тоа што се толку добри, што ќе ги потрошите за многу кратко време.    

Овој бренд ексклузивно може да го најдете во DM дрогерии, а на нивниот веб сајт може да ги погледнете и останатите производи од LANGHAARMÄDCHEN.

Постот е во соработка со DM дрогерии, но текстот и мислењето се мои, донесени од искуство при користење на производите.

Look at Vibe to look Your best

Love,

E